Танхим болон цахим хэлбэрээр явагдсан энэхүү сургалтад Гаалийн ерөнхий газрын зохион байгуулалтын бүтцийн нэгжийн албан хаагчид оролцож байгууллагын эрсдэлийн удирдлагын тогтолцоог боловсронгуй болгох, эрсдэлийг удирдах олон улсын сайн туршлага, арга зүй, стандартыг судлан танилцаж, мэдлэг, ур чадвараа дээшлүүллээ.

Европын Холбооны төслийн багийн эксперт Андреа Живкович сургалтыг удирдан явуулж, байгууллагын эрсдэлийн удирдлагын олон улсын чиг хандлага, ISO 31000 стандарт, төрийн байгууллагын эрсдэлийн удирдлагын бодлого, эрх зүйн орчин болон гаалийн байгууллагын эрсдэлийн удирдлагыг хэрэгжүүлэх шинэчилсэн журам зэрэг сэдвүүдийн хүрээнд илтгэл танилцуулж, алба хаагчдаар эрсдэл тодорхойлох дасгал ажиллуулан, тодорхой сэдвүүдийн хүрээнд нээлттэй хэлэлцcэн байна.

Энэхүү сургалт нь гаалийн байгууллагын эрсдэлийн удирдлагын шинэчилсэн журмыг хэрэгжүүлэхэд дэмжлэг үзүүлэх, алба хаагчдын байгууллагын дотоод эрсдэлийг илрүүлэх, үнэлэх, бүртгэх, бууруулах арга хэмжээг төлөвлөх, тайлагнах чадавхыг бэхжүүлэхэд чухал ач холбогдолтой арга хэмжээ боллоо.

Европын холбооны гадаад худалдааг хөгжүүлэх төслийн хүрээнд “Гаалийн байгууллагын эрсдэлийн удирдлага” сэдэвт сургалтыг амжилттай зохион байгууллаа.