Энэхүү зорилтын хүрээнд Гаалийн ерөнхий газрын Худалдааг хөнгөвчлөх ажлын хэсэг Сангийн яам, Гадаад харилцааны яам мөн Эдийн засгийн хөгжлийн яамтай хамтран Европын Холбооны санхүүжилтээр хэрэгжиж буй “Монгол Улсын гадаад худалдааг хөгжүүлэх төсөл”-н багтай нэгдсэн зохицуулалтын дагуу эрсдэлийн удирдлага, барааны урьдчилсан шийдвэр гаргах тогтолцоог сайжруулах үйл ажиллагааг шат дараатайгаар хэрэгжүүлж байна.

Хамтын ажиллагааны хүрээнд Европын Холбооны Эрсдэлийн удирдлагын зөвлөх Андрея Живкович 2025 оны 6 дугаар сарын 20-ний өдрөөс 7 дугаар сарын 9-ний өдөр хүртэл Монгол Улсад ажиллан Гаалийн ерөнхий газрын өнөөгийн нөхцөл байдлын үнэлгээг хийж цаашид хэрэгжүүлэх боломжит сайжруулалтын талаарх зөвлөмжийг Гаалийн ерөнхий газрын дэд дарга болон холбогдох нэгжийн албан хаагчдад танилцууллаа.

Цаашид гаалийн хууль тогтоомжийн шинэчлэлийг хийх, хилийн нэгдсэн зохицуулалттай эрсдэлийн удирдлагыг хэрэгжүүлэх мөн гаалийн бизнес процессын шинжилгээг хийж, ажлын урсгал давхардлыг арилгах чиглэлээр хамтран ажиллаж, зөвлөмжийг бодитоор хэрэгжүүлэхээр төлөвлөж байна.

🔰Гаалийн байгууллага худалдааг хөнгөвчлөх чиглэлээр олон улсын эсрдэлийн удирдлагын зөвлөхтэй хамтран ажиллаж байна.