Танхим нь Европын Холбооны төсөл хөтөлбөрүүдийн дэмжлэгтэйгээр REX буюу “Бүртгэгдсэн экспортлогчдын систем”-ийн гарал үүслийн мэдүүлгийг баталгаажуулж, дотоодын 240 аж ахуйн нэгжид гаалийн хөнгөлөлт эдлүүлж байна.

Мөн ЕХ-ны санхүүжилттэй "SOCIEUX+" төслийн хүрээнд “Хариуцлагатай бизнесийн зарчим”, “Хүний эрхийн магадлан шинжилгээ” чиглэлээр чадавхаа бэхжүүлэн, дотоодын бизнесүүдэд Европын зах зээлийн шинэ стандартыг хангахад нь сургалт, зөвлөх үйлчилгээгээр бодит дэмжлэг үзүүлж байгаа юм.

Үүнээс гадна экспортыг өсгөх гол хөдөлгүүр болох кластерын хөгжлийг дэмжих зорилгоор Монголын Экспортын Кластерын Сүлжээтэй хамтран Европын Холбооны төслүүдийн дэмжлэгтэйгээр гадаад худалдааг өргөжүүлэх чиглэлд бодит үр дүн гаргахаар хамтран ажиллаж байна.

Арга хэмжээ ЕХ-Монголын худалдааны хэтийн төлөв, ITDM төслийн ололт амжилт болон ногоон хөрөнгө оруулалтыг дэмжих, олон улсын хамтын ажиллагааны талаарх илтгэл, хэлэлцүүлгүүдээр үргэлжиллээ.

ЕВРОПЫН ХОЛБОО-МОНГОЛЫН ХУДАЛДААНЫ ӨДӨР 2026" арга хэмжээг ЕХ-ны "Монгол Улсад гадаад худалдааг хөгжүүлэх" /ITDM/ төслийн хүрээнд зохион байгууллаа.